CIIMTOL BATU CONSEYEJI TOUMBERE HUDALLAY

 DOWLA SENEGAAL                                                                                     T°03/C Oud/M/mb

Diiwwan Maatam

Falnde Raneeru-Ferlo

Aronndismaa Weli-ngaraa

Komin HUDALLAAY

CIIMTOL BATU

KOYSEEJI TUMMBERE HUDALLAAY

Hitaande 2022 ina hawri e ñalnde 22 lewru tatavuru, yamnde sappo e go'o ina fawi hojomaaji cappanze tati e jeezizi – batu koyseeji komin           Hudallaay wazii e zowgol Meer, Doktoor Umar BAH.

Su-Perefee Weli-ngara Seek Umar Tijjaan KAMARA e Mustafa BAH       koolaazo kuuval Meeri Hudallaay ina tawtoraanoo. Winndi ngol ciimtolko koyseyee Saydu SOH.

Batu hannde o noddaa ko : 07/3/2022 – Batu o joozii : 22/3/2022 – Limoore koyseyeeji  Komin o : 56 – Koyseyeeji tawtoraazi batu o : 44 – Luutaave batu o : 12 – Yaafaave : 00

Luutaave ve kollitaani ngantu : 12 – Korom : hevaama – Limoore batuuji kevzi             wazeede e hitaande 2022 : 03

LOOWDI YEEWTERE NDE

1. Woote bitsee komin Hudallaay, hitaande 2022,
2. woote yamiroore heeriinde arwaniire e hitaande 2022,
3. zavvaaze

Tawtoraa batu o ko vee :

T°	INNDE e YETTOODE	GOLLAL
1	Dr Umar BAH	Meer
2	Bookar JALLO	Cukko Meer gadano
3	Karjata BA	Cukko Meer zizmo
4	Huley Mammadu SOH	Cukko Meer tatavo
5	Aminata SOH	Cukko Meer nayavo
6	Ifra Buubu SOH	Koyseyee
7	Bineta Mammadu NJAAY	Koyseyee
8	Muusaa Tunkarel BAH	Koyseyee
9	Mayram JEQ	Koyseyee
10	Aamadu siley BAH	Koyseyee
11	Mariyam sammba SAL	Koyseyee
12	Abdul Mammadu BAH	Koyseyee
13	Aamadu Gayel BAH	Koyseyee
14	Faati MAYGA	Koyseyee
15	Muusaa BAH	Koyseyee
16	Faatimata Sayku SOW	Koyseyee
17	Salif DEM	Koyseyee
18	Ceerno Saada AAN	Koyseyee
19	Jeenaba Sammba JALLO	Koyseyee
20	Aamadu JALLO	Koyseyee
21	Jeenaba Woppaa BAH	Koyseyee
22	Aamadu JALLO	Koyseyee
23	Aliou Mammadu A. JALLO	Koyseyee
24	Faati JALLO	Koyseyee
25	Muusaa BAH	Koyseyee
26	Maram Demmba BAH	Koyseyee
27	Hajja Dulo SOH	Koyseyee
28	Abuu Buubu SOH	Koyseyee
29	Malal Sileymaani SOH	Koyseyee
30	Abdullaay Sammbal BAH	Koyseyee
31	Aminata BAH	Koyseyee
32	Aminata BAH	Koyseyee
33	Jeenaba Baydi BAH	Koyseyee
34	Demmba Aamadu JALLO	Koyseyee
35	Seydu SOH	Koyseyee
36	Mayram HAYDARA	Koyseyee
37	Aamadu Moodi BAH	Koyseyee
38	Haaruuna Bayal JALLO	Koyseyee
39	Kummba Yero BAH	Koyseyee
40	Haamiidu BAH	Koyseyee
41	Umar SOH	Koyseyee
42	Muhammadu Nguuroori BAH	Koyseyee
43	Kodda CAAM	Koyseyee
44	Aminata Hammadi JALLO	Koyseyee

 

MEER – DOKTOOR UMAR BAH : " mi salminii gooto kala, innde e yettoode       mum. Loowdi batu men hannde ko tovve tati :

1. Woote bitsee komin Hudallaay, hitaande 2022,
2. woote yamiroore heeriinde arwaniire e hitaande 2022,
3. zavvaaze

SU-PEREFEE WELI-NGARAA : "Mi salminii on. No Meer Dr Umar BAH wiyri nih, tawtoraa batu men hannde ko 44 koyseyee, 12 luutaa mbo. Woote    bitsee jeyaa ko e batuuji vurzi jojjude, alaa ko hazi boom o vura tiizde ekeddiizi zi.

Mi teskiima – kala koyseyee ina weelnii zerewol evvo bitsee o. Mooftee  ngol haa tiiza, maa on katojin e maggol mbo wuuri – so en ngaroyii e      konte administaratif. Zerewol bitsee addanta on waawde rewindaade    golle Meer e yiilirde mum, so ndeen heedii.                                                        Batu bitsee ina waawi duumaade balze 30, so golle ze naamndiima zum kono zo, gozzondiral gure yantude e ngantuuji gozzi njeyii sabaabu,     wazeede mbo e ñalawma gooto. Gozzum ko njiz-mi yottinde on – Meer    titinii-kam, Sanndarmori ñaagiima leydi zo ve mahi galle, e Lummbol."

Caggal mum – koolaazo kuuval Meeri o, Mustafaa BAH tarii evvo bitsee ngo haa ngo joofi nde koyseyeeji puzzii addude jiyanze mumen e tovvere yeewtaande nde. Xevti konngol e ndeen tovvere ko :

• KOYSEYEE UMAR SOH : "Ciftinat-mi dental ngal ko duggere Yunufere fotaa yeebeede, e ngo heewi ngartam kadi yo juuti en mballe no vengollorii"

• KOYSEYEE FATIMATA SAYKU SOH : "mi salmanii gooto kala, innde e   yettoode mum. Evvude ina moxxi kono siynude vuri. Kaalis PNDL  wallitnoo komin men ngam feewnude kalluuji – tolniima e duuvi   duuvi sappo (10) en kuutoraaki mbo. Mballee en, kaalis awee, o    waziree ko o addiranoo ko  !

Meer e gollodiive mum, njillozee luumo Yunufere – ina walla. Kadi, so lotismaa wazaama e Yunufere, renndo ngo maa welto, komin  Hudallaay yiytoo heen hoyre mum, bannge ngalu. Porosee ina        heewi nafoore e gure men – caren zi e Komin he.

Meer. Mballee en humambinnaagu iwa e nokku he. Hono noon,     Yunufere yo walle e resoo telefoq moxxo ; etaa-siwil udditee FurduYunufere e Salaalatu mbela ina hoybina zavvere zereeji nde."

• KOYSEYEE HAAMIIDU BAH : "bitsee ko zerewol keewngol nafoore. Mi yettii Meer Dr BAH e hoolaare addande mbo suvaade mi e doggol koyseyeeji. Xeewen juutiiji koolniizi – hilifaave e joom-en gure inanganndi haanduve heen ve. Koyseyee fotaani fadirde Meer maa  Su-Perfee, gollal mum. Yovde  limpo ina wazzi kala vizzo leydi.

Njaafo-zon mi yalta tovvere seeza – gallol pinngu e faawru-nguura miijanooma wazeede Gase Dooro kono Meer jaltuzo o, teftiima      peeje politik haa o zawii min ngaal gezal."

• KOYSEYEE MAYRAM SAMMBA SAL : "min njizi walleede ko e ndiyam, masiq unoowo, ekkol e sardiqe mbazee Zahaaratu, vurngo             lollirde Wuro Sammba Malal."

• KOYSEYEE IFRAA BUUBU SOH : " Woppaa ina joñii – ammbilaas alaa,   suudu safrirdu Mballee-min e masiq gunoowo, hoybina  golle rewve ve. Anteen ndiyam iwzo Nawre o ina heewani min      cazeele, so o wazaa-ma konteer vura bonde."
• KOYSEYEE KUMMBA SAAGAY BAH : "fooraas amen alaa satoo, alaa       pompe, o  alaa masiq. Mballee Safrirde Kaatane e kuuraa, nokku ojogoo resoo moxxo."

• KOYSEYEE MAMMADU NGUUROORI BAH : "luumo Yunufere ina waawi  naatnude ko vuri ujunnaaje noogaas (20 000 mb.), kala duggere.      Jolnirde ndammiri Yunufere yovata ko ujunere e teemedde zizi    mbuuzu (1 200 mb.) vuri Dahra tiizde zo yovatee teemedde jeegom(600 mb.). Luumo Yunufere ina faazi, so cumu wazii – bonnat, yo   boli jehre zi njaajcine."

Koolaazo kuuval Mustafaa BAH siftini – bitsee wonaa kaalis leliizo, ko  zum evvoore nde luwaa yuvvini lelngo mum.                                                  Yeewtere udditaa zizmol – xevti konngol vee zo :

• MEER DR UMAR BAH : "kala teemedere e bitsee komin o, cappanze     jeegom e jeetati (68%) naatata e foqsonmaa (njovdi gollotoove e      coodgu kavirze mavve ekn).                                                                         Ko cappanze tati e zizi e ndeen teemedere (32%) tan njahata e        ewestismaa (mahateeje e geze paggantooze komin o njeñ        Ngollo-zen mbela kaan ngonka ina wayloo, mbo wuuri.                      Yottinta ndeen fahndaare ko ndadozen tiiza, enen koyseyee –         gooto fof hirjina renndo ngo – lempo yovee no haanirta nih. "

SU-PEREFEE SEEK UMAR TIJJAAN KAMARA :"hade mon wootde bitsee o,            cunnozee xeewon so mbo gooqzi hono kaalis evvu-zon o mbela embo    waawi yiyteede nder komin he. Njuvvinee pahndale e pewje naatnirze  kaalis e Komin he.

30 miliyoq CEL, 25 miliyoq e Foo-dotasiyoq e 67 miliyoq Foo-konkuur –    ko ballital laamu kevngal naatde e kees Komin Hudallaay. So on njizii  Meeri o heva kaalis, mbaztee hakkille e :

• duggere Yunufere.
• binnditagol lempo : hoore yovata ko teemedere e noogaas (120 mb.)hitaande – wonande ve zum wazzii vee.
• loowgol deppasuuji bazziizi (njovdi gollatoove, sekirtee sosiyaal, Ipres ekn) woto njejjite, e bitse he.
• e fannuuji kimmuzi : jaqde, cellal-vallizi ekn, alaa-e-sago zi ngarande bitsee timma.
• kaalis komin rewatee o : alaa-e-sago o waztoree e bitse he. Mahngovale genaale e toppitagol mahanteeje Meeri ne ko geze potze arde e bitsee.
• Sentel gsm (ekspresoo) ina joganii komin o, lewru fof – cappanze     joyi ujunere (50 000 mb.), e antenaaji ve ndarni e komin he.
• lotismaaji zi njoortizon hevde e mumen miliyoqaaji noogaas e      joyi (25 miliyoq). Lotismaa o ina moxxi kono yo sukaave njiyto     heen koye mumen e peccugol galleeji ngol.
• luumo Salalatu : engo foti xeewteede.
• Oto nokkoowo ceenal maa kaaxe ina foti taxde kaayit yamiroore  to sarwiis de Miin.

Mi weltaniima on. Zowngo batu o feewii, rewve kaalii ngoxaaji nokku okadi jovgol ndiyam so teddirii ekkolaaji – Meeri ina foti wallitde zi.        E evvoore bitsee o, mbiza yizi faamneede ko addani "ballal miskineeve" vurneede "ballal jayiyaave" – vee ngevvanaa miliyoqaaji tati, wozve ve   teemedere ujunere ?

• MEER DR UMAR BAH : "a jaaraama, Su-Perfee. konngol "miskineeve" joopii ko famarve jawdi ; "jaayiyaave" woni sumraave, boniraave  jawdi e sooño maa musiiba. Addani "ballal miskineeve" vurde       mawnude e bitsee he, e "ballal jaayiyaave" ko jaltingol kaalis         mooftaazo e "ballal jaayiyaave" vuri sazde, e kees laamu.                  "Ballal jaayiyaave" so ina yaltinee, zereeji keewzi ina naamnde, e wiyde Koolazo kuuval men.                                                                          Ina jeyaa e ziin zereeji : ciimtol Sanndarmori, ciimtol Pompiyee, kaayit Sarwiis balloowo miskineeve (Aksiyoq sosiyaal) ekn.

Gezel gozngel, kaalis podaazo e "rogere kewuuji renndo" ina ustoowaztee banngeeji vurzi himmude. Su-Perefee, mi yettiima e          wasiyaaji ma moxxi.

Koyseyee Mayram Sammba SAL, koyseyee Kummba Saagay BA e koyseyee Ifraa Buubu SOH – on njaaraama, mi faami haala mon ! Maa en mbaztan zum hakkille, so Allah javii.                                      Mammadu Nguuroori, min mbeltimaa e yiyannde ma sellunde,     aza fahmi nokku o, aza anndi dugge ze. Maa en mbaztu hakkille e wasiyaaji ma."

SU-PEREFEE SEEK UMAR TIJJAAN KAMARA : "fooraas naatna miliyoqaaji nayie teemedere e cappanze jeegom ujunere (4 160 000 mb) subaka gooto       wiyee kaalis gasii. Faamnaaki ! Foorasuuji dowri ko  sifaaji 3 :

1. foorasuuji kesi,
2. foorasuuji peewnitaazi
3. foorasuuji gonduzi e cazeele ngonka.

Caggal batu wostondiri miijooji haa ve kawri e haala ; koyseyeeji ngootiBITSEE KOMIN o. Tonngol kopporeeje naatooje e jaltooje zaminaaze            temmbondirii, limoore majje hawri : MILIYOQAAJI TEEMEDDE ZIZI e SAPPO e JEEGOM pawze TEEMEDERE UJUNERE e NOOGAAS e GO'O pawze BUUZI NOOGAAS E   JEETATI (216 121 028 mb.)

YAMIROORE HEERINDE (Otorisasoq espesiyaal) – kopporeeje naatooje e jaltooje   ko : MILIYOQAAJI TEEMEDERE e SAPPO e JEETATI pawzo TEEMEDERE e CAPPANZE JEENAYI e NAYI e TEEMEDERE E BUUZI ZIZI (118 970 510). Alaa luutndiizo        woote o, alaa gedduzo.

SAAR – MAWZO ELEWAAS ARONNDISMAA WELI-NGARAA : "evvoore jaagorgal      laamu keednangal e Aynoove wiyateende REDISEE rokkii galli pinngu 3, gure zee zo : Beelel, Peccel e Gase Dooro. Gase ittaama e doggol he –       wuro ngo alaa kolse kadi ngo wozzaani Raneeru."

Tovvere 3vere yeewtere nde feemti ko zavvaaze leydi keñoraaze.    Ndeen zavvaaze ze taraama, koysey yamiri nde ngol doggol jogorve        limteede taxantee kette-leydi, e gure ve zavvi ze :

1. Ektaruuji zizi (02 ha) : nder Yunufere zo Dental Pelle Rewve        Yunufere, wazi Isin kosam, e ballal evvo PDEPS.
2. Ektaruuji noogaas (20 ha) : nder Lummbol, zo wazaa renndo ngo wazanaa FERM, e ballal "garaa miiraay wert".
3. Ektaar gooto (01 ha) : nder Lummbol – zo Sanndarmori
4. Ektaar gooto (01 ha) : nder Mbam – zo anteen telefoq SONATEL         
5. Ektaar gooto (01 ha) : nder wuro ngo koysey foti suvaade, zo          Furiyeer wazaa
6. Ektaar gooto (01 ha) : nder Dennduzi Dow, Vulon Seeno, Duunuvel, Mbul Vokki, Kore kavi, Lugge Ceekooje e Kurukaraan – zo           Cafrorze laamu
7. Ektaar gooto (01 ha) : nder Dennduzi Dow, Vulon Seeno, Duunuvel, Mbul Vokki, Kore kavi, Lugge Ceekooje e Kurukaraan – zo           Ekkolaaji

Goomu leydi (komisoq domañaal) yamiraama siinude tottirgol leyzeele innaaze ze.

• MEER – DR UMAR BAH : "en kawrii, wonande tovve 3 ngadduno-zen e jooznde men hannde. Mbiza ñaagii nootoyinoove batu AVSF ve,    nde ve ciimtanta en ko ve ngartirani en Linngeer."

• CUKKO-MEER BOOKAR JALLO : "a jaaraama, Meer. Aljumaa vennuzo miin e Mawzo goomu leydi Aamadu JALLO wondude e kalfinaazoTaariindi Aamadu Siley BAH min nootoyinooma e innde Komin men, batu fedde AVSF – to Linngeer.                                                       Guwerneer Maatam, mbo Luga kam e Su-Perefeeji diiwanuuji tati innuzen zi, tawtoranooma. Haalaa toon ko evvo heso wiyeteengo  "DUNNDI FERLO" – lebbi tati e jooni ko ve puzzii golle, eve pivi          wonde e nokku he duuvi 10.                                                                          Hudallaay jeyaa ko e kominaaji zi ve miijii gollondirde. Duuvi 03 gadani zi ko xeewndo, 24 ektaar maa mbaze peppiñeer (nokku       keblirzo lezze tutateeze/loreeze). E Komin Hudallaay, evvo ngo    tozzii ko IP Yunufere e Woyndu Makam.Dr Jiggo, kalfinaazo evvongo e diiwaan he, fodii yillaade falnde Raneeru-ferlo, o yottoo en   enen e joozaniive laamu ngu. Evvo ngo, e fodoore Dr Jigoo maa     ngo addu golle keewze."

• MEER – DR UMAR BAH : "kala zavvaande arnde e innde Komin o,         koyseyeeji maa kollite, nde hokke fotde mayre haa timma."

SU-PEREFEE – SEEK UMAR TIJJAAN KAMARA : "goomuuji (komisoqaaji) Meeri zi ina keewi – gooto heen kala, renndo ngo woon ko fadi e mum. Ndeka   goomu fotaa fadirde hay gooto, golle ze resndaa zee.                                       So hettere leydi ina weeziree, Goomu leydi ina foti waztorde joom-wuro e kala jogiizo konngol, teenti e heerondiraave – ko heen ve njeyaa.          Eve poti tintineede balze 3 ko adii nde goomu ngu arata – hettere nde      heertee, nde wazee pellal no laawol yamiriri." Koyseyeeji woto njejjitee,Meer Siñnja nana kasoo ! Vili mbo ko leydi.      

• MEER DR UMAR BAH : "hade nokku hozeede, leydi mum huutoreede ko maa Meeri waynee haa yamiroore mum hevee. Aada fotaani     yejjitinde en Laawol."

Oto Meeri o feewii, maa en cooro gure, njiy-den e renndo ngo,        vuren faamde ngonka Komin men e jeyal Meeri o (galli pinngu e    lotismaaji Lummbol e Moodi Kellol ekn). Ezen zaminii maa zi      mbazan komin o ngartam mawzam.

Gostondiral golle hakkunde men e koysey jaltuzo o – maa ciimtol mum adde e dumunnaaji garooji ; mbazen peeje koyseyeeji keva   heblooji ballooji en e golle men."

• CUKKO-MEER BOOKAR JALLO : "njiz-mi anndude ko mbela lotismaa    Lummbol e mbo Moodi Kellol puzziima tottireede ? Mbela kaalis   kevaazo e ziin lotismaaji nawaama Teresoor ?"

• MEER DR UMAR BAH : "Koolaazo kuuval – mbela aza waawi jaabaade naamndal Koyseye Bookar JALLO ngal ?"

SU-PEREFEE – SEEK UMAR TIJJAAN KAMARA : "njaafozon ! Wonaa koolaazo     kuuval foti jaabaade ngal naamndal. O wonaa Meer, o wonaa jogiizo      yamiroore ngalu Meeri o !"

• KOYSEYEE AMINATA SOH : "wuro amen Naakara alaa ndiyam, alaa masiq unoowo. Mballee-min e "doo-daan" e kallu he, sawndo sahrende, otooji ngasnii-min jawdi !"

• KOYSEYEE CEERNO SAADA AAN : "duze Vuraana potii hevde ballal      immaade e Meeri Hudallaay. Mballen jaqde nde, yahra yeeso !"
• KOOSEYEE AAMADU GAYEL BAH : "Meer, a jaaraama e hoolaare maa wazde mi koyseyee. Sahre amen Wuro Maamuudu ina hitti asde  woyndu, mbizen cazaa ndiyam."

• KOYSEYEE MUUSAA SIREE BAH : "goomuuji fooraas potii heszitineede. Haala heewii, e woon nokkuuji."

SU-PEREFEE SEEK UMAR TIJJAAN KAMARA : "kooseyee Muusaa BAH, yoo        vernde ma deex – goomuuji fooraas maa keszitine ko vooyataa !"

• KOYSEYEE AMINATA BAH : "Wuro-Bojel, min njizi walleede e ndiyam,ekkol mahaazo e doo-daan wazee sawndo wuro amen."
• MEER – DR UMAR BAH : "bannd'am en ngaree mbazen fotdeeji men !"

• KOYSEYEE MAYRAM DEMMBA BAH : "wuro amen Furdu ina yizi doo-  daan e – otooji ngaynii jawdi amen."
• KOYSEYEE ABDUL MAMMADU BAH : "Meer, min tampii ! batu o juutii."

• KOYSEYEE JEENABA JALLO : "wuro amen Sozoor ina yizi Safrirde e   janngirde."
• KOYSEYEE BINTA MAMMADU NJAAY : "Zeyba ina yizi ndiyam e masiq unoowo. Mbizen njizi kadi kallu immotoozo Raneeru – Hudallaay o rewa wuro amen Zeyba."

Tovve loowdi batu fof njeewtaama, Meer Dr Umar BAH uddi batu ngu saanga yamnde 16 fawnde 11 hojom.

Binnduzo ciimtol ngol                                                                  Hooreejo batu o

        Saydu SOH                                                                        Dr Umar BAH